تصدقو كده عيب بقي
انا نقلت التوبيك ده كده بنصه من جبهة التهييس الشعبية لان الكلام داخل دماغي اوي
نهى رشدي من عرب تمانية واربعين وعشان كده قرقرت المحامية بتاعتها انها تستأنف لصالح اللي اتحرش بيها حيث انها تحمل الجنسية الاوسرائيلية وعليه فان شدها من صدرها ده عمل وطني عظيم ويجب علينا اننا كلنا كمواطنين شرفاء ضد التطبيع اننا نشدها من صدرها ونجرجرها منه واحنا بنهتف: البيت لنا القدس لنا. لانه صدر اسرائيلي غاصب وكل الصدور الاسرائيلية صدور عسكرية ليس بينهم صدر مدني
الاول: المحامية ما تعرفش جنسية موكلتها من الاول؟ ما شافتش بطاقتها ولا باسبورها حتى؟ امال دافعت عنها ازاي؟ ولما نهى مخبية حقيقتها المخزية النكراء ايه اللي عرف المحامية دلوقت؟
الثاني: عرب تمانية واربعين دول جربة؟ مش كتر خيرهم انهم ما سابوش بلدهم؟
الثالث: لو هي حفيدة بيجن ده يبرر انه يتم التحرش بيها؟ والله دخول الاسرائيليين مصر اللي سامحة بيه الدولة مش احنا اما جريمة التحرش فهي تضر بالمتحرش بقدر ما تضر بالمتحرش به
الرابع: اعلانات السياحة اللي قارفينا بيها ومطلعين لنا في الاخر شوية خواجات يزعقوا لنا حد عارف هم جنسيتهم ايه؟ حد عارف دينهم ايه؟ حد عارف عقيدتهم السياسة مع الصهيونية وللا ضدها؟
الخامس: والامريكان بيدفعوا ضرايب بتروح لاسرائيل وبيسلحوا اسرائيل واللي بيتبرع لاسرائيل بيعفى من الضرايب…طب هلبت ليه في مراكز لحروق المرأة بتاخد فلوس من امريكا؟
السادس: احنا لينا عين نتكلم عن الفلسطينيين؟ انا لو مكانهم اعمل مظاهرة تفافة على الحدود لحد ما منسوب النيل يرتفع من تفافتهم علينا
الخلاصة: انا ما اديش عقلي لغيري
واخيرا وبعد طول غياب حريقه جديده في سوهاج
نقلا عن اليوم السابع
نشب حريق هائل فى مخزن السجلات المدنية بقرية روافع القصير مركز سوهاج، التهم جميع محتوياته. تلقى اللواء أحمد خميس مساعد وزير الداخلية ومدير أمن سوهاج، بلاغا من العميد محمد مصطفى مأمور مركز شرطة سوهاج، يفيد بنشوب حريق فى مخزن أوراق السجلات المدنية بقرية روافع القصير دائرة مركز سوهاج.
وعلى الفور تحركت سيارات الدفاع المدنى بقيادة العقيد أسامة أبو غريب مدير إدارة الدفاع المدنى إلى موقع الحريق، وقد استمرت عملية الإطفاء أكثر من ساعتين، حيث التهم الحريق محتويات المخزن جميعها من أوراق وسجلات خاصة بجميع مراكز المحافظة، وكذلك الأبواب والشبابيك والمخزن الذى يضم ثلاث غرف داخلية، وتبين من تحريات العميد عصام الحملى رئيس مباحث المديرية، أن المخزن يضم أوراق استخراج شهادات الميلاد والقيد العائلى وسواقط القيد وأوراق تصحيح الأخطاء فى الأسماء لشهادات الميلاد. وأخطرت النيابة التى أمرت بانتداب المعمل الجنائى لمعرفة سبب الحريق وباشرت التحقيق.
ههههههههههههههههههههه زغرطي ياللي مانتيش غرمانه لولولولولولوي
بسألك..أنت
سؤال بسالك ايه اخرة الترحال
وسهر الليالى وكل يوم بحال
سؤال بسالك ايه اخرة الاحزان
دمعتى موالى والحال قتال
سؤال بسالك ايه اخرة الاحلام
ليلاتى وخدانى فى بحر من الاوهام
سؤال بسالك ايه اخرة العذاب
تعبنى سؤالى ياريت الاقى جواب
سؤال بسالك ايه اخرة الترحال
وسهر الليالى وكل يوم بحال
سؤال بسالك ايه اخرة الاحزان
دمعتى موالى واللى حيلتى حنان
سؤال بسالك ايه اخرة الاحلام
ليلاتى وخدانى فى بحر من الاوهام
سؤال بسالك ايه اخرة العذاب
تعبنى سؤالى ياريت الاقى جواب
تم حرمانه من الاقامة في المدينة الجامعية بسبب مدونته
استبعد الطالب والمدون أحمد عبد القوي من قوائم السكن بالمدينة الجامعية رغم استيفاءه للشروط ، بسبب تعبيره عن أرائه على مدونته
أحمد عبد القوي هو طالب بالفرقه الثالثه بكلية الاعلام قسم صحافه جامعة القاهرة وصاحب مدونة أكيد في مصر منعوه من السكن في المدينه الجامعيه بسبب انه بيعبر عن رأيه يعني هما لما عملو كده هو هايسكت ، هو اعلن من مدونته انه مش هايسكت ومش هايتنازل عن حقه وان اللي حصل معاه ممكن يحصل معانا كلنا ولذا قرر ايضا إعتصام مفتوح على سلم كلية الإعلام … يوم الاحد الساعة 12 ظهرا
لازم نوصل الرسالة ،لازم نقولهم إن إحنا مش تافهين ، إحنا نقدر نطالب بحقنا
،وهنقدررررررررررررررررررررر
ميزان الحياة
ناقص حته
وكل ما أوزن
ألاقي لسه
ناقصلي حته
أحط حته
تقل حته
وأجيب قميص
تضيع چاكته
وأعيش لي ساعة
يفوتني سته
وكل ما أوزن
ألاقي ناقص
أقول بناقص
لو هي حته
أتاري لسه
ولسه تاخد
سنين وحته
وحاجات تسيبني
وحاجات تاخدني
لحاجات تخبط
في كل حته
وأقول ها نفرح
ف يوم
ها نفرح
ويوم مانفرح
علي الله يفضل
في القلب حته
علي النعمة انتي جدعه يا نهي
جدعه والله يانهي مافرطيش في حقك ودوستي علي كرامتك يا ريت كل الناس زيك وكل البنات تدافع عن حقوقها وماتسمحش لواحد انه يهينها جسديا او باي شكل من الاشكل
نهي تعرضت لتحرش جنسي من سائق بس الفرق بينها وبين بنات كتير انها ماسكتتش وجابت الراجل من قفاه وخدت حقها منه واتحكم عليه بثلاث سنوات الغريب بقي ان الناس كانو بيتفرجو عليها واللي شارك كان بيقولها بلاش تبهدلي نفسك في اقسام انتي مجنونه ولا ايه وده حوار نهي مع جريدة اليوم السابع
ايه يا جدعان
نقلا عن مركز هشام مبارك للقانون
تساقط امس اثنين من الصحفيين المضربين عن الطعام,وتم تحويلهم الى مستشفى المنيرة,وهم عمر سعيد,ومحمد عبد الرؤوف ويعملان بجريدة البديل.
والى الان وعلى رغم من تحرير محضر في قسم شرطة قصر النيل منذ اول امس لم تأت النيابه العامه الى النقابة لمتابعة الحال,وسط حالاة من اللا مبالاة من جميع الاطراف
ده ايه التنفيض ده يعني هو في ايه بالظبط هي الناس دي ملهاش ديه ولا ايه هايفضلو كده يقعو واحد ورا التاني وحدش سائل
ليلي في مصر
ليه ليلي في مصر دايما مفحومه بيت،مدرسه،جامعه،شارع،موصلات دايما حاسين اننا كائن حي يعيش و يتعايش يخرج من بيت في تحكمات عشان هي بنت لبيت في تحكمات اكتر عشان بقت زوجه ليه مش قادرين نمشي في الشارع مطمنين نفسي امشي في الشارع مرتاحة البال مش متوقعه ان ممكن اي بني ادم ينط عليا و لا يضايقني باي اسلوب هو انا يعني لازم اشيل سلاح عشان ابقي مطمنه وبعدين احنا مش اداه جنسيه وبس احنا كليلات اكتر من نص المجتمع و دورنا كبير ليه لما اروح اقول لبابا عايزه اخرج مع اصحابي يقولي انتي بقيتي بتاعت شوارع غير لو ولد قال عايزه اخرج يبقي عادي ده لو قال اصلا اهو بيفتح الباب و (انا خارج) ومحدش يقدر يكلمه عشان ولد يعني البنت هاتفسد والولد لاز انا حاسه ان بنت في مصر يعني كارثه يعني خوف و رعب ولا لا لا لا لا يمكن انا اهلي عودوني علي النقاش بس في بنات كتير بجد تاهو ومابقوش عارفين ايه اللي المفروض يبقي لا وايه المفروض يبقي اه من كتر كلمه لا اللي علي طول بتتقال لا انتي بنت ماينفعش تعملي كده لا حسبي من كلام الناس وليه الولد لما يجي يرتبط يبقي عايز بنت مارطبتتش قبل كده مهو من حقي انا كمان كبنت اني اكون عايز ولد برضو مارتبطش ومعتقدش انه في بجد انا مش فاهمه بس انا كنت سعيده جدا لما شوفت كلام جابر بجد ابتديت احس اني في ناس في مصر بقت بتفكر في الانثي بطريقه حضاريه انا مش بجرد اداه وخلاص بجد شكرا ليك يا جابر علي اهتمامك وفهمك لحياتنا
هل الثورة الروسية قابلة للتكرار؟
مركز الدراسات الاشتراكية
يدعوكم مركز الدراسات الاشتراكية لحضور حلقة النقاش بعنوان:
هل الثورة الروسية قابلة للتكرار؟
كانت ثورة أكتوبر في روسيا حدثا غير مسبوق في تاريخ العالم. ورغم أنها ألهمت الجماهير في العالم كله إلا أنه لم يشهد تحولا اجتماعيا مشابها لها في الزخم والقوة ولا في نوع النظام الذي ترتب عليها وانبنى على حكم الطبقة العاملة. فهل يمكننا الآن الحديث عن احتمال حدوث ثورة في نفس المسار وعلى نفس المبادىء بعد عقود وعقود من أوائل القرن العشرين، وبعد التحولات العميقة التي شهدتها الرأسمالية؟ وكيف يمكن السعي لهذا النوع من التغيير في عصر يقول فيه كثيرون إن الطبقة العاملة قد انتهت أصلا؟
-
تعقد حلقة النقاش يوم الاثنين 20 أكتوبر 2008 في تمام الساعة السابعة مساء
بمقر مركز الدراسات الاشتراكية 7 شارع مراد ميدان الجيزة
تأجيل محاكمة زفت الطين ليوم 15 نوفمبر
قررت محكمة جنوب القاهره تأجيل محاكمة هشام طلعت مصطي ليوم 15 نوفمبر ده اولا
بالنسبه بقي للي حصل النهارده في المحاكمه كالاتي
البهوات الاتنين هشام انكر تهمه التحريض علي قتل المزه والظابط محسن السكري اقسم بعدم ارتكابه الجريمه
حاولو انصار البيه يعملو غسيل مخ للناس وبدأ المحاميين بتوع سيادته حمله توقيعات لرئيس الجمهوريه للافراج عن هشام بسبب خطولاه الحبس علي حياته حسب ما بيقولو انه عنده ضغط وسكر وقلب احسن
تواجدت قوات الامن بشل مكثف من الصبح وحاصرت مبني المحكمه و قفلت كل الشوارع المؤديه لمحكمه ومنعو الصحفيين و الاعلام الدخول لقاعه المحكمه
اللذيذ بقي انهم خلو الناس واقفين قدام باب المحكمه والامن دخل المتهمين من الباب الخلفي غير بقي القوات اللي كانت منتشره فوق اسطح العمارات والخناقات اللي حصلت بين السكان و القوات
ودي شوية صور
