استطلاع حكومي: 20% من المصريين لم يعرفوا أن أوباما زار مصر أصلاً
نقلا عن جريدة الدستور
كشف استطلاع حكومي أجراه مركز المعلومات ودعم اتخاذ القرار بمجلس الوزراء عن أن 45% من المصريين لم يتابعوا خطاب أوباما لأسباب من بينها عدم وجود وقت، وعدم وجودهم بالمنزل، وعدم مشاهدة وسائل الإعلام، بينما قال 55% إنهم تابعوا الخطاب لكنهم تجاهلوا معظم الفقرات باستثناء 5 فقرات لاقت اهتماماً وهي: القضية الفلسطينية وعلاقة الولايات المتحدة بالمسلمين والتحدث عن الإسلام، والوضع في العراق والحريات الدينية واحترام الأديان، فضلاً عن الاستشهاد ببعض آيات من القرآن الكريم.
بينما قال 20% من عينة الاستطلاع- أغلبهم من الشباب في المناطق الحضرية- إنهم لم يعرفوا شيئاً عن زيارة أوباما لمصر أصلاً.
وايه يعني يعني هو قال ايه جديد اعاده صياغة كلام بطريقه حلوه و الضغط علي النقاط اللي تهم المصريين وتخليهم يبحلئو ويبقي فارس احلامهم و كام ايه من القران عشان يبهر المسلمين وانه حلو مقطقط وبيحب الناس ،اصلا اوباما ده واد صايع و بيكلم كل واحد بالكلام اللي عايز يسمعه ويخليه يصدقه بسحر الخطب بتاعته فوقوا يا جدعان و النبي فوقوا.
ودي الخطبه اللي البيه قالها
وبعد طول غياب
بعد انقطاع دام حوالي 5 شهور اعود تاني معرفش ليه انقطعت عن الكتابه يمكن التغيرات الكتيره السريعه اللي حصلتلي في الشهور دي خليتني مش عارفه اعمل ايه قبل ايه و اسيب ايه. بس كان احلي تغير في حياتي كان سببه اني قبلت الواد الدكتور الحليوه ابو بلطو ابيض غيرلي حياتي كلها للاحلي فعلا لقيت نفسي معاه وهو اللي شجعني اني ارجع اكتب تاني ربنا مايحرمني منه ابدا يا رب وقدرني اسعده
شى لله يا الغزاوية
شعر احمد فؤاد نجم
تصدقو كده عيب بقي
انا نقلت التوبيك ده كده بنصه من جبهة التهييس الشعبية لان الكلام داخل دماغي اوي
نهى رشدي من عرب تمانية واربعين وعشان كده قرقرت المحامية بتاعتها انها تستأنف لصالح اللي اتحرش بيها حيث انها تحمل الجنسية الاوسرائيلية وعليه فان شدها من صدرها ده عمل وطني عظيم ويجب علينا اننا كلنا كمواطنين شرفاء ضد التطبيع اننا نشدها من صدرها ونجرجرها منه واحنا بنهتف: البيت لنا القدس لنا. لانه صدر اسرائيلي غاصب وكل الصدور الاسرائيلية صدور عسكرية ليس بينهم صدر مدني
الاول: المحامية ما تعرفش جنسية موكلتها من الاول؟ ما شافتش بطاقتها ولا باسبورها حتى؟ امال دافعت عنها ازاي؟ ولما نهى مخبية حقيقتها المخزية النكراء ايه اللي عرف المحامية دلوقت؟
الثاني: عرب تمانية واربعين دول جربة؟ مش كتر خيرهم انهم ما سابوش بلدهم؟
الثالث: لو هي حفيدة بيجن ده يبرر انه يتم التحرش بيها؟ والله دخول الاسرائيليين مصر اللي سامحة بيه الدولة مش احنا اما جريمة التحرش فهي تضر بالمتحرش بقدر ما تضر بالمتحرش به
الرابع: اعلانات السياحة اللي قارفينا بيها ومطلعين لنا في الاخر شوية خواجات يزعقوا لنا حد عارف هم جنسيتهم ايه؟ حد عارف دينهم ايه؟ حد عارف عقيدتهم السياسة مع الصهيونية وللا ضدها؟
الخامس: والامريكان بيدفعوا ضرايب بتروح لاسرائيل وبيسلحوا اسرائيل واللي بيتبرع لاسرائيل بيعفى من الضرايب…طب هلبت ليه في مراكز لحروق المرأة بتاخد فلوس من امريكا؟
السادس: احنا لينا عين نتكلم عن الفلسطينيين؟ انا لو مكانهم اعمل مظاهرة تفافة على الحدود لحد ما منسوب النيل يرتفع من تفافتهم علينا
الخلاصة: انا ما اديش عقلي لغيري
تم حرمانه من الاقامة في المدينة الجامعية بسبب مدونته
استبعد الطالب والمدون أحمد عبد القوي من قوائم السكن بالمدينة الجامعية رغم استيفاءه للشروط ، بسبب تعبيره عن أرائه على مدونته
أحمد عبد القوي هو طالب بالفرقه الثالثه بكلية الاعلام قسم صحافه جامعة القاهرة وصاحب مدونة أكيد في مصر منعوه من السكن في المدينه الجامعيه بسبب انه بيعبر عن رأيه يعني هما لما عملو كده هو هايسكت ، هو اعلن من مدونته انه مش هايسكت ومش هايتنازل عن حقه وان اللي حصل معاه ممكن يحصل معانا كلنا ولذا قرر ايضا إعتصام مفتوح على سلم كلية الإعلام … يوم الاحد الساعة 12 ظهرا
لازم نوصل الرسالة ،لازم نقولهم إن إحنا مش تافهين ، إحنا نقدر نطالب بحقنا
،وهنقدررررررررررررررررررررر
علي النعمة انتي جدعه يا نهي
جدعه والله يانهي مافرطيش في حقك ودوستي علي كرامتك يا ريت كل الناس زيك وكل البنات تدافع عن حقوقها وماتسمحش لواحد انه يهينها جسديا او باي شكل من الاشكل
نهي تعرضت لتحرش جنسي من سائق بس الفرق بينها وبين بنات كتير انها ماسكتتش وجابت الراجل من قفاه وخدت حقها منه واتحكم عليه بثلاث سنوات الغريب بقي ان الناس كانو بيتفرجو عليها واللي شارك كان بيقولها بلاش تبهدلي نفسك في اقسام انتي مجنونه ولا ايه وده حوار نهي مع جريدة اليوم السابع
ايه يا جدعان
نقلا عن مركز هشام مبارك للقانون
تساقط امس اثنين من الصحفيين المضربين عن الطعام,وتم تحويلهم الى مستشفى المنيرة,وهم عمر سعيد,ومحمد عبد الرؤوف ويعملان بجريدة البديل.
والى الان وعلى رغم من تحرير محضر في قسم شرطة قصر النيل منذ اول امس لم تأت النيابه العامه الى النقابة لمتابعة الحال,وسط حالاة من اللا مبالاة من جميع الاطراف
ده ايه التنفيض ده يعني هو في ايه بالظبط هي الناس دي ملهاش ديه ولا ايه هايفضلو كده يقعو واحد ورا التاني وحدش سائل
ليلي في مصر
ليه ليلي في مصر دايما مفحومه بيت،مدرسه،جامعه،شارع،موصلات دايما حاسين اننا كائن حي يعيش و يتعايش يخرج من بيت في تحكمات عشان هي بنت لبيت في تحكمات اكتر عشان بقت زوجه ليه مش قادرين نمشي في الشارع مطمنين نفسي امشي في الشارع مرتاحة البال مش متوقعه ان ممكن اي بني ادم ينط عليا و لا يضايقني باي اسلوب هو انا يعني لازم اشيل سلاح عشان ابقي مطمنه وبعدين احنا مش اداه جنسيه وبس احنا كليلات اكتر من نص المجتمع و دورنا كبير ليه لما اروح اقول لبابا عايزه اخرج مع اصحابي يقولي انتي بقيتي بتاعت شوارع غير لو ولد قال عايزه اخرج يبقي عادي ده لو قال اصلا اهو بيفتح الباب و (انا خارج) ومحدش يقدر يكلمه عشان ولد يعني البنت هاتفسد والولد لاز انا حاسه ان بنت في مصر يعني كارثه يعني خوف و رعب ولا لا لا لا لا يمكن انا اهلي عودوني علي النقاش بس في بنات كتير بجد تاهو ومابقوش عارفين ايه اللي المفروض يبقي لا وايه المفروض يبقي اه من كتر كلمه لا اللي علي طول بتتقال لا انتي بنت ماينفعش تعملي كده لا حسبي من كلام الناس وليه الولد لما يجي يرتبط يبقي عايز بنت مارطبتتش قبل كده مهو من حقي انا كمان كبنت اني اكون عايز ولد برضو مارتبطش ومعتقدش انه في بجد انا مش فاهمه بس انا كنت سعيده جدا لما شوفت كلام جابر بجد ابتديت احس اني في ناس في مصر بقت بتفكر في الانثي بطريقه حضاريه انا مش بجرد اداه وخلاص بجد شكرا ليك يا جابر علي اهتمامك وفهمك لحياتنا
